:
السلام عليكم ..
أول تدوينه بالمدونه اليوم " الثلاثاء "
بتاريخ : 20-1-2015
^^
إن شاء الله ألقى منكم متابعه ودعم وتفاعل بالمدونه ^^
المهم
بما إني فان للممثل " لي جونغ سوك " .. قررت تكون أول تدوينه عن بينوكيو ^^
شرايكم بالمسلسل من كل النواحي .. الممثلين و الاخراج و القصه ..
من ناحيتي أنا بقول رايي وطبعا انطر أرائكم ..
لكن ..
تنبيه بسيط وتذكير للجميع كل شخص بالمدونه راح يكتب ويعبر عن رايه الشخصي ^^
يعني مو إذا جاء شخص وإنتقد تمثيل ممثل معين إنت تحبه تقوم تقلب الدنيا على راسه وتسب وتشتم !!
ترا كلها أراء وأذواق عادي يعجبك تمثيل شخص وتحس انه يوصل الاحساس صح وإن تمثيله قمه في الابداع
ويطلع فيه شخص ثاني يحس إنه مايعرف يمثل أبدا .. كلها مسألة أراء شخصيه ياجماعه ف ابتعدو عن الشتم الله يرضى عليكم ^^
واللحين بقول رايي بالمسلسل من قبل ينعرض لحد الحلقه الاخيره عشان تعرفون وضعي بالضبط ..
للأمانه من قبل لاينعرض المسلسل ومن قبل لايختارون الممثلين وأنا مو معجبتني سالفة " الفواق .. الزغطه "
بعدين قريت إنه إنعرض على " كيم ووبين " وخفت يقبله ولما رفضه بغيت أرقص من الوناسه ..
لانه لو مثل فيه " كيم ووبين " أكيد بشوفه لانه شخص مبدع وماعتقد انه ممكن نختلف على ابداع هالولد بالتمثيل !!
بعدها قريت إنه إنعرض على " لي جونغ سوك " .. هني انتك نسمي :D " انكتم نفسي " وضاق خلقي لاني توقعت انه بيقبل
بسبب انه يعرف الكاتب ومتعامل وياه من قبل وطبعا بما اني فانز للممثل فأكيد بشوف المسلسل مو عشان شي عشان طلته بس :D
وكنت انطر الرفض بيأس بس هاه قبل المسلسل :( ساعتها اووف قمة ضيقة الخلق
بس يالله ماعليه ان شاء الله تخيب القصه توقعاتي وتطلع خوش قصه واستمتع بالمسلسل
شوي الا اقرى خبر " بارك شين هي " قبلت تمثل بالمسلسل .. يااااحبيبي قصه ماتنبلع وبارك شين هي !!! " طبعا كنت اشوف ان " بارك شين هي " ماتعرف تمثل وبتخرب علي المسلسل "
شلون بشوف المسلسل انا مادري .. واقول حق نفسي ماعليه يابنت الحلال لأجل عين تكرم مدينه المهم " لي جونغ سوك " بس .
وطبعا شفت باقي الطاقم وشوي ارتحت لان الباقي احبهم ^^
بس عندي مشكله صغيره مع " بارك شين هي " .. المهم
شفت الحلقات الاولى وقعدت انافخ بسبب " كيم يونغ كوانغ " وأمه " كيم هي سوك " أدوارهم غثيثه !!
وبعدين شوي شوي حبيت المسلسل وحبيت القصه " قلوب "
وشوي شوي اكتشفت ان " بارك شين هي " تمثيلها متحسن حييييييييل عن قبل ..
مادري المشكله كانت في أدوارها أو في الممثلين اللي قدامها مايساعدونها توصل احساسها !!
بس اعتقد ان المشكله كانت في ادوارها كلها كانت نفس الشي !!
فان " بارك شين هي " ترا ماقلت شي لحد يقب علي :D قلت إنها كانت ماتعرف تمثل .. كانت ..
ونجي حق " لي جونغ سوك " .. هالممثل تمثيله زين من البدايه بس انا قاعده الاحظ الولد كل ماله ويتحسن اكثر
وصار يبدع بالبكي .. ملاحظين وياي ولا بس انا اللي ملاحظه هالشي !!
بس عنده مشكله وحده تمثيله وقت الملامسات الجسديه يعني لما يمسح على شعر البنت او يشد خدها او او او
للحين احس فيه جمود من هالناحيه لما تجي هاللقطات وياه احس اني اشوف اعلان مو مسلسل <.>
بس يمكن بسبب الحياء الزايد اللي فيه !! نصبر عليه ونشوف اذا فك حياء بيتسنع ولالا ^^
نجي حق " لي يو بي " هالبنت عشقتها بعد هالمسلسل عجيييبه وضابطه دورها صح ماعندي عليها ولا ملاحظه هالعسوله ^^
نجي حق " جين كيونغ " هالممثله اللي فيه خير يقول مو مبدعه :P .. كرهتها بشكل مو طبيعي بداية المسلسل
وكسرت خاطري بشكل مو طبيعي بأخر الحلقات .. صج خلتني اعيش وياها دورها بحذافيره ممثله ممتعه صراحه ومبدعه جدا
نجي حق " شين جيونغ كيون " مادري اسمه ينطق جذي ولالا المهم طوفو :D
هالرجال هذا هههههههههههههههههههه وربي مو طبيعي طلعاته بالمسلسل سسعاااده وابداع وكل شي
نجي حق " يون قيون سانغ " حبيت دوره وحبيت تمثيله وحبيت الولد ههههههههههههههه .. ادى دوره بإتقان
بس احس الدور مو كبير لدرجة اني اقدر اقيم تمثيله .. لكن بناء عاللي شفته مبين عليه متقن للتمثيل ^^
اما من ناحية باقي الطاقم كل شخص بدع بدوره بس هذولا الاشخاص اللي ميزتهم او اللي لهم دور واضح يبين ابداعهم
ومن ناحية القصه .. القصه كانت محبوكه صح وخيبت ظني الحمدلله ^^
وتستاهل المتابعه يعني لو مو شايفه المسلسل كنت راح اضيع على نفسي فرصة متابعة
مسلسل جمممميل جداً وحبكته عجيبه ومافيها مماطله أبدا
إلا كنت أقول شلون بتخلص المسلسل بعدد الحلقات هذي كنت احس يبيله حلقات اكثر ^^
وطبعا ما ننسى ان القصه كانت تعزز القيم الاخلاقيه في الانسان بصراحه لو المسلسل كان خالي من اللقطات الخايسه كان خليت اختي الصغيره تشوفه
عشان تعرف ان الاخلاق الحلوه هي اللي بتوصلها للي تبيه بدون كذب او حقد او غضب !!
يعني من ناحية القصه المسلسل متكامل وماعليه كلام من وجهة نظري طبعا ^^
أما من ناحية الاخراج .. ف أنا اشوف إخراجه عادي جدا مثل اخراج باقي الدرامات مافيه اي شي مميز عن الدرامات الباقيه ,,
أو يمكن مسلسل ( باد قايز ) خلاني أشوف كل الاخراج من بعده عادي
لان اخراجه كان خررررررررررررافي جدا هالمسلسل ( باد قايز )
:
:
يالله عليكم الدور .. حطو أرائكم بالمسلسل والممثلين بمصداقيه
وبدون تحيز لأحد معين ^^
:
ومن ناحية القصه .. القصه كانت محبوكه صح وخيبت ظني الحمدلله ^^
وتستاهل المتابعه يعني لو مو شايفه المسلسل كنت راح اضيع على نفسي فرصة متابعة
مسلسل جمممميل جداً وحبكته عجيبه ومافيها مماطله أبدا
إلا كنت أقول شلون بتخلص المسلسل بعدد الحلقات هذي كنت احس يبيله حلقات اكثر ^^
وطبعا ما ننسى ان القصه كانت تعزز القيم الاخلاقيه في الانسان بصراحه لو المسلسل كان خالي من اللقطات الخايسه كان خليت اختي الصغيره تشوفه
عشان تعرف ان الاخلاق الحلوه هي اللي بتوصلها للي تبيه بدون كذب او حقد او غضب !!
يعني من ناحية القصه المسلسل متكامل وماعليه كلام من وجهة نظري طبعا ^^
أما من ناحية الاخراج .. ف أنا اشوف إخراجه عادي جدا مثل اخراج باقي الدرامات مافيه اي شي مميز عن الدرامات الباقيه ,,
أو يمكن مسلسل ( باد قايز ) خلاني أشوف كل الاخراج من بعده عادي
لان اخراجه كان خررررررررررررافي جدا هالمسلسل ( باد قايز )
:
:
يالله عليكم الدور .. حطو أرائكم بالمسلسل والممثلين بمصداقيه
وبدون تحيز لأحد معين ^^
:
ليست هناك تعليقات:
إرسال تعليق