مرحبا جميعاً ^^
راح أحط هني سبب إفتتاحي للمدونه وإهتماماتي اللي راح امارسها بالمدونه ^^
أولاً : سبب إفتتاح المدونه ..,
أنا طالبه حاليا وأعشق الدرامات الكوريه وأكيد عندي أوقات فراغ واجد وأملي هالفراغ بمشاهدة الدراما الكوريه
وأكيد فيه ناس كثير مثلي من محبين الدراما الكوريه ^^
لكن فيه مشكله تواجهني دايم إذا جيت بشوف مسلسل !! ومادري اذا انتو مثلي او لا ..
بس اذا بتابع مسلسل اكيد بلقاه بمدونه او مواقع الاون لاين بس المشكله وين
المشكله إن هالمسلسل ماالقى عنه الا تقرير !!
يعني مستحيل أعرف شي عن حبكة القصه ولاعن جودة التمثيل ولا الاخراج أبداً !!
يعني أروح اتابع و اضيع وقتي ويطلع مسلسل فاشل >.<
طيب وين اعرف اذا المسلسل حلو ويستاهل المتابعه ولالا ..
ماكو قدامي إلا تغطيات المسلسل في بعض المنتديات او ردود المتابعين في المدونات 0.0
يعني معقوله اذا جيت بتابع مسلسل اضيع يوم كامل عشان أشوف الردود على ( حلقه حلقه ) في المدونات
أو في التغطيات 0.0 ,,
عشان جذي قررت أفتح المدونه عشان تسهل علي وعلى الناس اللي حابه تتابع درامات جميله وبدون لا تضيع وقتها
على مسلسل تافه ^^
وطبعا طريقتي بتكون اني افتتح تدوينه خاصه بمسلسل معين واخليكم تاخذون راحتكم في النقد والتقييم والتعليق عالمسلسل
من النواحي المفقوده اللي كل متابع للدراما يدورها اللي هي ( الحبكه .. والاداء .. والاخراج )
وطبعا كل فتره راح يكون فيه استفتاء للدرامات اللي تو تنتهي او اللي تبث حاليا عشان اللي حاب يتابع
يعرف شنو يتابع
وبس هذي اسبابي لفتح المدونه ^^
ثانياً : إهتماماتي اللي راح امارسها في المدونه .. مثل ماذكرت فوق
نقد وتقييم الدرامات عشان اسهل علي وعلى متابعين الدرامات الكوريه المتابعه ^^
طبعا مو كل الدرامات انا اشوفها لكن بفتح تدوينه عنها عشان اللي شافوها يكتبون أرائهم عنها يمكن تجذبني
او تجذب اي متابع اخر ^^
طبعا حاليا راح أكتب عن الدرامات الحديثه اللي تو منتهيه او اللي تبث حاليا ^^
بعدين نلتفت للقديمه ^^
وشكراً
ليست هناك تعليقات:
إرسال تعليق